Lærðu að leysa deilur á uppbyggilegan og árangursríkan hátt

Sáttamiðlun

Sáttamiðlun er aðferð til lausnar ágreinings, þar sem tveir eða fleiri aðilar taka sjálfviljugir þátt. Með hjálp óháðs og hlutlauss sáttamiðlara vinna aðilar að því að finna sjálfir lausn á ágreiningi, sem þeir meta viðunandi fyrir alla aðila, í gegnum skipulagt og mótað ferli.

Sáttamiðlaraskólinn uppfyllir skilyrði til inngöngu í fagdeild Sáttar, félags um sáttamiðlun. Nánar má lesa um starfsemi félagsins á heimasíðu félagsins.

Markmið

Markmið Sáttamiðlaraskólans er að auka framboð á námi í sáttamiðlun á Íslandi og að veita bestu mögulegu fræðslu og þjálfun til verðandi sáttamiðlara.

Sýn

Sýn okkar er að sáttamiðlun verði útbreitt og viðurkennt úrræði við úrlausn deilumála. Sáttamiðlun felur í sér friðsamlega úrlausn deilumála sem er samfélaginu öllu til hagsbóta.

Gildi

Kostir sáttamiðlunar

Virðing

Sáttamiðlari aðstoðar aðilana við að leysa deiluna sín a milli. Það gerir hann með umræðum og með því að mæta þörfum aðilanna eins vel og hægt er. Þess vegna er lausn í sáttamiðlun oft betri en dómur eða ákvörðun sem er tekin af þriðja aðila.

Valfrjálst ferli

Aðilarnir geta valið að slíta sáttamiðlunini á hvaða tímapunkti sem er, þar sem ferlið er valfrjálst.

Hlutlaus sáttamiðlari

Sáttamiðlarinn leysir ekki deiluna eða gefur ráð, heldur leitast hann við að hlustað sé á aðilana og að þeirra sjónarmið komi fram. Aðilarnir sjálfir eiga samtalið og lausnina. Lögfræðingar aðilanna geta veitt ráð á meðan á sáttamiðlun stendur ef svo ber undir.

Allir sigurvegarar

Það er enginn sem tapar í sáttamiðlun þegar áhersla er lögð á samtal og sameiginlega lausn. Það eitt er rík ástæða fyrir marga að velja sáttamiðlun fram yfir dómstóla.

Hvað segja fyrri nemendur?

„Þetta námskeið var einstaklega gefandi og auðgaði mikið minn faglega og persónulega heim. Á námskeiðinu fékk ég fullt af verkfærum til að vinna með í allskonar aðstæðum og enn meiri þekkingu á því hvernig við mætum fólki á þeirra forsendum þegar það glímir við deilur og erfiðleika í lífinu. Námskeiðið var einstaklega vel skipulagt og uppfyllti allar mínar kröfur ásamt því hversu gott það var að ráða hraðanum og geta tekið það með vinnu.“

„Mjög gott námskeið. Vel skipulagt og gott utanumhald. Leiðbeinendur hafa yfirgripsmikla þekkingu og reynslu á viðfangsefninu. Námsefnið mjög aðgengilegt og auðlesið jafnvel þó það sé á ensku. Þetta mun klárlega nýtast mér í bæði leik og starfi.“

„Fræðilegt, faglegt og hagnýtt í góðum hlutföllum, ásamt góðu námsmati. Netnámið gekk gríðarlega vel! Hiklaust hægt að mæla með þessu námi fyrir alla þá sem eiga samskipti við skjólstæðinga, hagsmunaðila eða í viðskiptum!“

„Mjög áhugavert námsefni og framsetningin góð. Skipulag var allt til fyrirmyndar og þægilegt að geta hlustað á kennslumyndbönd heima. Ég átti ekki von á að Zoom myndi virka eins vel í verklegum æfingum og það gerði svo. Allt ferlið var svakalega lærdómsríkt og þetta er efni sem mun nýtast mér afskaplega vel í starfi.“

„Mér fannst námskeiðið mjög gott og frábært að blanda saman fyrirlestrum og verklegum æfingum. Leiðbeinendur voru mjög vel að sér og komu námsefninu frá sér á skýran og auðskiljanlegan hátt. Reynslan af því að taka sjálfur þátt í æfingunum, bæði sem sáttamiðlari og aðili, var mjög gagnleg og mun nýtast vel í starfi sem sáttamiðlari.“

Skráning

Við hlökkum til að sjá þig bætast við í hóp sáttamiðlara framtíðarinnar