Sáttamiðlaraskólinn

Spurningar til lokaprófs

Gert er ráð fyrir 15 mín próftíma á hvern nemanda. Prófið verður munnlegt og hver nemandi dregur númer sem samsvarar spurningunum hér að neðan. Ekki er gert ráð fyrir undirbúningstíma né að nemendur styðjist við gögn í prófinu.

Hvað er sáttamiðlun? Fjallaðu um mikilvægi þess að sýna hlutleysi í sáttamiðlun.
Hvað er sáttamiðlun? Fjallið sérstaklega um undirbúning í sáttamiðlunarferlinu og hvaða þættir það eru sem sáttamiðlari skoðar þegar hann metur hvort sáttamiðlun sé rétta úrræðið til þess að leysa úr ágreiningi eða deilu aðila?
Hvað er ferlismiðuð sáttamiðlun og hvað er ráðgefandi sáttamiðlun? Hvað einkennir hvora nálgun fyrir sig. Hverjir eru kostir og gallar þess að nota þessar nálganir?
Fjallið um notkun spurningatækni í sáttamiðlun. Hvaða þætti þarf sáttamiðlari að hafa í huga til að koma með góðar spurningar í sáttamiðlun? Hver eru lykilatriði í spurningatækni sem sáttamiðlari þarf að vera meðvitaður um?
Hvað er sáttamiðlun? Að hvaða leyti er sáttamiðlun ólík og hvað á sáttamiðlun sameiginlegt með öðrum úrræðum við lausn deilumála (þ.e. samningaviðræður, gerðardómur og dómsmál)?
Hvað er sáttamiðlun? Fjallið um og ræðið rök með og á móti valkvæðri og skyldubundinni sáttamiðlun.
Fjallið um lögfesta sáttamiðlun á Íslandi. Hvað er sérstakt við þann málaflokk og hvaða atriði þarf sáttamiðlari sérstaklega að hafa í huga við vinnslu slíkra mála?
Hvað er sáttamiðlun og hvað þarf sáttamiðlari að hafa í huga þegar sáttamiðlun er notuð í eftirfarandi aðstæðum:● Fjölskyldumálum ● Fasteignamálum ● Vinnustaðadeilum● Sáttamiðlun með ólíkum aldurshópum

9. Fjallið um sáttamiðlunarákvæði í samningum. Hverjir eru helstu kostir þess að innleiða sáttamiðlunaraákvæði í samninga og hvað ber að varast í þeim efnum? Hvernig breytir slíkt ákvæði upphafi og aðdraganda sáttamiðlunar?

10. Hvað er sáttamiðlun? Fjallið um notkun eintals í sáttamiðlun. Hvaða atriði þarf sáttamiðlari að hafa sérstaklega í huga?

11. Hver eru fjögur skref í lausnamiðaðri samningatækni og hvernig nýtast þau sáttamiðlara?

12. Hver eru verkfæri sáttamiðlara og hvernig getur hann nýtt þau?